ᒥᑭᓂᖅᓴᐃᑦ ᓱᕈᓰᑦ ᓇᒻᒥᓂᖅ ᑭᒍᑎᓯᐅᕈᓐᓇᖏᒻᒪᑕ. ᐊᖓᔪᖅᑳᕆᔭᐅᓪᓗᑎᑦ, ᑭᒍᑎᓯᐅᖃᑦᑕᕆᐊᓕᑦᑎᑦ ᒥᑭᔪᑯᓘᑎᓪᓗᒋᑦ ᐊᒻᒪᓗ ᑭᒍᑎᓯᐅᖃᑎᒋᖃᑦᑕᕐᓗᒋᑦ, ᐊᖏᓪᓕᕙᓪᓕᐊᑎᓪᓗᒋᑦ.
ᓴᓗᒻᒪᖅᓴᖃᑦᑕᕆᐊᓖᑦ ᕿᑐᕐᖓᕕᑦ ᖃᓂᖓ ᕿᑐᕐᖓᐃᑦ ᑭᒍᑎᑖᓚᐅᙱᒻᒪᕆᑦᑎᓪᓗᒍ. ᑕᐃᒪᐃᒃᑯᕕᑦ ᕿᑐᕐᖓᐃᑦ ᐃᕝᕕᓪᓗ ᓴᓗᒪᑎᑦᑎᖃᑦᑕᓂᐊᖅᑐᓯ, ᐊᒻᒪᓗ ᐱᐊᕋᖅᐱᑦ (ᐅᕝᕙᓘᓐᓃᑦ ᓯᕗᓪᓕᖅᐹᕐᒥ) ᑭᒍᑎᖏᑦ ᐱᕈᕈᓐᓇᓂᐊᕐᒪᑕ ᓴᓗᒪᔪᒧᑦ ᖃᓂᕐᒧᑦ. ᐊᓪᓚᑎᖅᑕᐅᔭᕆᐊᖃᖅᑐᑦ ᑕᒪᐃᓐᓂ ᐃᒃᑭᓕᒫᑦ ᑭᒍᑏᓪᓗ.
ᓴᓗᒻᒪᓴᕐᓗᒋᑦ ᐱᐊᕋᖅᐱᑦ ᑭᒍᑎᖏᑦ
ᑭᒍᑎᓯᐅᕈᑏᑦ
ᐱᐅᓛᑦ ᑭᒍᑎᓯᐅᕈᑏᑦ ᐊᕿᑦᑐᑦ, ᐊᒻᒪᓗᑭᑖᖑᓗᒋᑦ ᑭᒍᑎᓯᐅᑎᖏᑦ. ᐊᖏᓂᖓ ᓈᒻᒪᒋᐊᓕᒃ ᕿᑐᕐᖓᖅᐱᑦ ᖃᓂᖓᓄᑦ. ᓂᐅᕕᖃᑦᑕᕆᐊᖃᖅᑐᑎᑦ ᓄᑖᕐᓂᑦ ᑭᒍᑎᓯᐅᕈᑎᓂᑦ 3 ᐅᕝᕙᓘᓐᓃᑦ 4 ᑕᖅᑮᑦ ᐊᓂᒍᕋᐃᑉᐸᑕ.
ᓱᕈᓰᑦ ᓱᕋᐃᓴᕋᐃᒍᓐᓇᕐᒪᑕ ᑭᒍᑎᓯᐅᕈᑎᓂᑦ. ᑭᒍᑎᓯᐅᑎᖏᑦ ᓴᖑᖓᓕᕈᑎᑦ ᐊᑐᓗᐊᕐᓂᑰᒍᑎᓪᓘᓐᓃᑦ, ᐊᑐᕋᒃᓴᐅᑦᑎᐊᕋᔭᙱᑦᑐᑦ, ᐋᓐᓂᑎᑦᑎᒍᓐᓇᖅᑐᑎᓪᓗ ᕿᑐᕐᖓᕕᑦ ᖃᓂᖓᑕ ᐃᒃᑭᖓᓂᒃ.
ᕿᑐᕐᖓᕋ ᑭᒍᑎᓯᐅᖏᓐᓇᕆᐊᖃᖅᐹ ᓯᓂᒋᐊᖅᑐᕐᓂᐅᓴᓂᖅᑕᒫᑦ?
ᐄ’. ᖁᐱᕐᕈᐃᔭᙱᒃᑯᕕᐅᒃ ᖃᓂᖓ ᐊᒻᒪᓗ ᓱᑲᖅ ᑭᒍᑎᕐᓗᑎᑦᑎᒍᓐᓇᕋᔭᖅᑐᑦ, ᐅᓐᓄᐊᓕᒫᖅ ᑭᒍᑎᓂᑦ ᐱᐅᒍᓐᓃᐸᓪᓕᐊᑎᑦᑎᒍᓐᓇᕐᒪᑕ. ᐊᒻᒪᓗᑦᑕᐅᖅ, ᕿᑐᕐᖓᐃᑦ ᓯᓂᑦᑎᓪᓗᒍ, ᓄᕙᓕᐅᙱᓂᖅᓴᐅᒻᒪᑦ. ᓄᕙᒃ ᓴᓗᒻᒪᑎᑦᑎᓲᖑᒻᒪᑦ ᖃᓂᕐᒥᒃ. ᑭᒍᑎᓯᐅᕐᓗᓂ ᓯᓂᓐᓂᐊᓕᖅᑎᓪᓗᒍ ᐱᒻᒪᕆᐊᓘᕗᖅ.
ᖃᓄᖅ ᑭᒍᑎᓯᐅᖅᑎᑦᑎᒍᓐᓇᕐᒪᖔᖅᐱᑦ ᕿᑐᕐᖓᕕᑦ ᑭᒍᑎᖏᓐᓂᑦ (ᐅᑭᐅᓖᑦ 2 ᐅᖓᑖᓄᓪᓗ)
ᑯᒃᑭᓕᑏᔭᕈᓐᓇᖅᑐᑎᑦ ᐃᒪᓐᓇ
