- ᑭᒍᑎᙳᐊᑦ ᓴᓗᒻᒪᓴᖅᑕᐅᖃᑦᑕᕆᐊᓖᑦ ᖃᐅᑕᒫᑦ, ᐊᒻᒪᓗ ᐅᐊᓴᕐᕕᒃ ᐊᓪᓚᕈᑎᒥᒃ ᐃᓕᓯᒪᕕᒋᓗᒍ ᓱᕋᓐᓂᐊᙱᒻᒪᑕ ᑲᑕᐃᑲᓪᓚᒃᑯᕕᒋᑦ.
- ᑭᒍᑎᙳᐊᑦ ᓴᓗᒻᒪᓴᖅᑕᐅᔭᕆᐊᓖᑦ ᓂᑲᒋᔭᐅᓗᑎᑦ, ᑭᒍᑎᙳᐊᓄᑦ ᑭᒍᑎᓯᐅᕈᑎᓂᑦ ᐊᑐᕐᓗᓯ ᐅᕝᕙᓘᓐᓃᑦ ᑭᒍᑎᓯᐅᕈᑎᑐᐃᓐᓇᕐᓂᒃ ᐊᑐᕐᓗᑎᑦ ᐊᕿᑦᑐᓂᑦ.
- ᑭᒍᑎᙳᐊᓂᑦ ᓴᓗᒻᒪᖅᓴᐃᑎᓪᓗᑎᑦ ᐊᑐᖅᑕᐃᓕᒋᑦ ᖃᐳᐊᕈᑎᑐᐃᓐᓇᕐᓂᒃ. ᐊᑐᖃᑦᑕᕐᓗᑎᑦ ᑭᓯᐊᓂ ᑭᒍᑎᙳᐊᓄᑦ ᖃᐳᐊᕈᑎᓂᑦ, ᐸᓂᖅᑐᓂᑦ ᑭᒍᑎᙳᐊᓄᑦ ᓴᓗᒻᒪᖅᓴᐃᑎᓂᑦ ᐃᒥᕐᒥᒃ ᐃᓚᒋᐊᓕᖕᓂᒃ ᐅᕝᕙᓘᓐᓃᑦ ᖃᐳᐊᕈᑎᓂᑦ ᑭᒍᑎᙳᐊᓄᑦ ᐊᑐᖅᑕᐅᔭᕆᐊᓕᖕᓄᑦ.
- ᐃᕐᕈᑐᖅᑎᐊᕐᓗᒋᑦ ᐲᔭᖅᑕᐅᒐᔭᖅᑐᑦ ᓴᓗᒻᒪᖅᓴᐃᑎᖏᑦ ᐊᒻᒪᓗᑦᑕᐅᖅ ᕿᒪᒃᑲᑯᑦ ᓂᖀᑦ ᐲᖅᑕᒥᓃᑦ ᑭᒍᑎᙳᐊᓂᑦ ᑭᒍᑎᓯᐅᖅᑐᒋᑦ ᑭᒍᑎᙳᐊᑦ.
- ᖄᖓᒍᒃᑲᓐᓂᖅ ᓴᓗᒻᒪᓴᕐᓗᒋᑦ ᑭᒍᑎᙳᐊᑦ, ᑭᒍᑎᙳᐊᑦ ᐲᖅᑕᐅᔭᕆᐊᓖᑦ ᐊᒻᒪᓗ ᐃᒪᕐᒦᑎᑕᐅᓗᑎᑦ ᑭᓂᓪᓗᒋᑦ ᐅᓐᓄᐊᒃᑯᑦ, ᐅᕝᕙᓘᓐᓃᑦ ᑎᓴᒪᑦ ᐃᑲᕐᕋᑦ ᑐᖔᓂᐅᙱᑦᑐᖅ.
- ᐱᒻᒪᕆᐅᕗᖅ ᑭᒍᑎᙳᐊᑦ ᓴᓗᒻᒪᓴᖅᑕᐅᓚᐅᖅᓯᒪᙱᓪᓗᑎᑦ ᓴᙱᓗᐊᖅᑐᓂᑦ ᐊᑐᕐᓗᓂ ᓴᓗᒻᒪᖅᓴᐃᑎᓂᑦ, ᓲᕐᓗᒃ ᐲᖅᓴᐅᑎᓂᑦ ᐊᑐᖅᑕᐃᓕᓗᑎᑦ. ᐃᒥᕐᒥᒃ ᑭᓂᖅᑎᑕᐅᔭᕆᐊᓖᑦ ᐅᕝᕙᓘᓐᓃᑦ ᓂᐅᕕᖅᑕᐅᓲᓂᑦ ᑭᒍᑎᙳᐊᓄᑦ ᓴᓗᒻᒪᖅᓴᐃᑎᓂᑦ ᐊᒻᒪᓗ ᐃᕐᕈᑐᖅᑕᐅᔭᕆᐊᓖᑦ ᐊᑐᖃᑦᑕᕐᓗᑎᑦ ᐊᑐᖅᑕᐅᒃᑲᓐᓂᓚᐅᙱᓐᓂᖏᓐᓂᑦ ᑭᒍᑎᙳᐊᑦ.
- ᖃᐅᔨᒪᕖᑦ ᐃᒃᑭᖅᑎᑦ ᑕᖃᐃᖅᓯᔭᕆᐊᖃᕐᒥᒻᒪᑕ? ᐃᒃᑭᑦ ᓴᓗᒻᒪᓴᖅᑕᐅᔭᕆᐊᖃᕐᒥᔪᑦ ᐊᒻᒪᓗ ᐊᑦᓴᓕᖃᑦᑕᕐᓗᒋᑦ ᐊᑐᕐᓗᑎᑦ ᑭᒍᑎᓯᐅᕈᑎᑐᐃᓐᓇᕐᒥᒃ ᐊᕿᑦᑐᒥᒃ, ᐅᕝᕙᓘᓐᓃᑦ ᓂᕈᒥᑦᑐᒥᒃ ᖃᐳᖅᑎᕈᑎᒥᒃ.
- ᑭᒍᑎᙳᐊᑦ ᓈᒻᒪᙱᒐᐃᑉᐸᑕ ᖃᐅᔨᓴᖅᑕᐅᖃᑦᑕᕆᐊᓖᑦ ᑭᒍᓐᓂᐊᖅᑎᒧᑦ ᐅᕝᕙᓘᓐᓃᑦ ᓂᐅᕐᕈᓯᒪᔪᖃᕈᓂ ᑭᒍᑎᙳᐊᓕᕆᔨᒧᑦ ᖃᐅᔨᓴᖅᑕᐅᒃᑲᕐᓗᒋᑦ.
